Les mots surlignés font l'objet d'une note
1Reçue à Grenoble, le 20 mars 1573.
2Monseigneur, noz avons receu les letres que a pleu à votre segneurie nous envoyer du
3XIe present moys, et laquelle avons communiqué tant à notre conseilh que à aultres chefz
4de ceste vostre ville et des forestz terre commune dicelle et laquelle tous noz vous
5remercions très humblement et le bien et solagement que nous presentez par ycelle
6et que de votre segneurie par ci avant avons receu ; et sommes tous en la
7mesme delliberation que de toujour a vous este de employer nous parsones
8roy; et pour ce, continuons la garde et faisons reparer les murailhes
10dicelle à toutes dilligences quil noz est possible et pource que le temps
11se presente commode dans quinze jours y avoir tout reparé ce que y est
12necessère et remis ladite ville en seurté; et parce, monseigneur, vous
13prions très humblement ne nous charger daulcune despence por ladite
14garde, mesmes aussi causant la grand povreté quest en ce pays que se
15ne feust laide quavons du blet du Briançonoys et Queyras, encor bien chair
16à nous serions presque à la fain, esperantz que avec laide de Dieu
17noz gardes en lobeyssance de sa majesté de noz mesmes. au reste,
18monseigneur, à tout ce quil vous plairra noz comander, ne ferons faulte
19de incontinent voz obeyr, comme vous très humbles et très obeyssans serviteurs
20dausi bon ceur que noz recomandons très humblement à voz bones graces
21et prions Dieu
22Monseigneur, en santé voz doner très longue et très heureuse vie. De votre ville
23d'Embrun, ce XVIIIe mars 1573.
24Voz très humbles et très hobeyssans serviteurs
25les consulz d'Embrun
26Psaume consul Souchoys
27consul